CHEGOU A TROULA DENDE O FONDO DA RIA!!!

      ...Ondiñas veñen,
            ondiñas veñen
              ondiñas veñen e van
                 non te vaias Rianxeira
                    que te vas a marear...

     Da man da tradicional canción chegou a troula á escola
                    "Ai entroido, ai entroido ai entroido
                      tempo do mundo ó revés..."

            Nesta volta os nenos e nenas miramos
            cara o fondo do mar e montad@s nas
       ondiñas da Rianxeira desfilamos de piratas,
  estrelas, mexillóns, fondo mariño e redes mariñeiras.

        Que ben o pasamos e canto disfrutamos na
   compaña das familas  durante o desfile de comparsas,
        no momento das actuacións, e da merendola
           de galdrumadas típicas deste tempo!!!

Grazas familias pola vosa colaboración na elaboracíon dos disfraces
                e dos doces que merendamos,
          sen a vosa axuda estas festas non serían posibles.!!!

              Ondiñas veñen,
                   ondiñas veñen...

                   

Create your own presentación Coa queima do noso meco, o señor Tentáculos damos por finalizado o tempo de entroido ata o ano que ven!!!

!!! SORRISOS, BICOS E APERTAS!!!

                 Un sorriso, unha aperta, un bico custa pouco e vale moito.
                        Pode que dure só un instante pero
                    perdura nas lembranzas de cada persoa.
                      Un abrazo alivia unha pena e da ánimos.
             Un sorriso consola a tristura e da forzas para seguir.
                 Un bico, un feixe de bicos e agarimos recibidos
                             son agasallados a cotío,
            fan que nazan sorrisas, bicos, agarimos e abrazos novos.

                Bicos, apertas e sorrisos para compartir,
             despedir, para agasallar, para descubrir, dar e recibir.
                As mostras de agarimo nas idades mais novas
                           teñen un papel fundamental,
                 axudan a construir contornos afectivos positivos
           no seu medio e se converten en fonte de aprendizaxes
        e de experiencias personais que dotan os mais pequenos
                de recursos que os van acompañar toda a súa vida.
               Os agarimos, os bicos, os apertas e os sorrisos
         son parte da nosa forma de comunicarnos sen palabras.
                       Axudarán que o difícil pareza fácil
        Axudarán a valorar as demais persoas, a telas en conta.
            Axudarán a ter calma, a consolarnos, a pedir perdón.
             Axudarán a querer os outros e a sentir que me queren.
Estas e outras mostras de afecto fan que nos preguntemos...
             ¿De que cor son os bicos...?

                       

ARTE CON CHOCOLATE

MÚSICA E ARTE !!!! ARTE É MÚSICA!!!!
DÚAS PROPOSTAS POLAS QUE SEMPRE APOSTAMOS NA NOSA ESCOLA.

MAIS ESTA VEZ...ACOMPAÑADA DUN BO CHOCOLATE!!!!
OLLADE UNHA MOSTRA DO ABECEDARIO FOTOGRÁFICO QUE FIXEMOS DURANTE A VISITA NA FUNDACIÓN BARRIE DA MAZA E DESPOIS DE TANTO ESFORZO FUMOS A RECUPERAR ENERXÍA CUNHA CUNCA DE CHOCOLATE CON CHURROS

Presentación de diapositivas: ARTE CON CHOCOLATE - Diapositivas

¡¡¡ XA PASOU O NADAL!!!

       ... fai días andábamos atarefados  co
         “PROXECTO D0 NADAL”:

         Falar do nadal, lembrar o de outros anos...
         Facer as postais, preparar cancións, escribir cartas.

         Facer adornos para agasallar, decorar as cortizas,

         levar as cartas o buzón, ensaiar e facer decorados

         para o "CONCERTO DE NADAL" que axiña será.

        Recibir ó "APALPADOR” que nestas datas,

         ten costume de nos vir visitar.

        Facer galdrumadas no obradoiro de cociña,

         e tamén preparar a merenda  compartida de Nadal.

        Recoller e ordear as nosas cousas pois o trimestre 
         está a rematar

        Agarimos, bicos e felicitacións pois de vacacións
         imos marchar.

     … pedirvos disculpas xa que ata despois de nadal, 
     non tivemos tempo de podelo  narrar.

     ¡¡¡Unha morea de lembranzas e algunhas emocións,

     queremos compartir e tamén contar !!!   

                                      

¡¡¡ A NOSA FESTA DO MEDO 2011 !!!

      Mouchos , coruxas, sapos, esqueletes e bruxas,
      demos, trasnos e morcegos, pantasmas e  e outras amigas e amigos…
      ¡¡ Imonos pintar!!      A  festa do medo está a chegar:

     ¡Que medo, que medo,  ábrese a porta dun castelo negro!
                       ¡¡ que negro todo está!!
      Pero dentro do labirinto ten luces e contos
      para soñar, viaxar e…tamén asustar.

     ¡Negro moi negro era tamén o ceminterio !
             ¡¡Que grande, negro e brillante  está!!
     Cheo de cadaleitos e de esqueletes que lles gusta bailar
        ¡¡¡Movendo so osos  nos queren  asustar!!!
           
      --- e cando pola mar do medo imos viaxar,
     Os peixes brilaban daqui, para alá, mesmo parece que están a nadar
     Nun barco pirata coa bandeira a zoar imos navegar.
     Por entre as rochas e  cobas cheas de sorpresas  descubrimos o mar
               ¡¡¡Todo era negro, moi negro no mar!!!
     Un polbo xigante na praia nos estaba a esperar.
     Con moito agarimo e música do mar abrazos nos dá
     ¡¡¡ O polbo amigo, nos despide  da festa do medo
     que xa está a piques de rematar!!!.

      Un Video da festa do medo que nos gusta lembrar

                            
                        
                       

      IMOS DE SEGUIDO  A PAPAR,
      UNHA MERENDA TERRORÍFICA PARA Ó MEDO ASUSTAR!

               ERA DE NOITE,
               ESTABA NEGRO…
               HABIA UN CASTELO,
               ABRIUSE A PORTA
               SAIU UN MORCEGO.
               METEU A MAN
               SACOU UN COITELO…
               ¡¡¡ UNTA NOCILLA, UNTA NOCILLA!!!

      ¡¡¡ ...E PARA O MEDO ASUSTAR.  E MELLOR  MERENDAR
      UN MENÚ TERRORÍFICO QUE NOS FAGA  MEDRAR !!!

                          

" PIÑAS, PIÑÓNS E OUTRAS AMIZADES"

       PARA INICIAR O PROXECTO DE PIÑAS, PIÑÓNS E OUTRAS AMIZADES  VISITAMOS O “PARQUE DA BOUZA”,  QUE ESTÁ PRETO DA ESCOLA.

    ALI EXPLORAMOS E RECOLLIMOS AS PEGADAS DAS ÁRBORES, MEDIMOS, ULIMOS, OLLAMOS, E AINDA NOS QUEDOU TEMPO PARA CHOUTAR ENTRE AS ÁRBORES.

     COS TEXOUROS QUE ATOPAMOS NA CARBALLEIRA, NOS DIAS SEGUINTES, FIXEMOS UNHA CLASIFICACIÓN E ORGANIZAMOS  UNHA EXPOSICIÓN NA AULA.

     NESTE PROXECTO DE OUTONO INVESTIGAMOS SOBRE AS PIÑAS  FACENDO EXPERIMENTOS CON ELAS CANDO ESTÁN ABERTAS E PECHADAS QUE NOS LEVOU A FACER UN “PIÑÓMETRO” PARA MEDIR QUE TEMPO ESTÁ A FACER.

    TAMÉN TRANSFORMAMOS AS PIÑAS EN PERSOAXES, ANIMAIS E OUTROS OBXETOS COA AXUDA DA NOSA FAMILIA.

     AS FOLLAS DAS ÁRBORES E OUTRAS SEMENTES  DO OUTONO EMPREGAMÓLAS PARA DECORAR UN MURAL E FACER TAREFAS DE ARTE QUE ESTÁN A DECORAR A NOSA AULA, CORREDORES, TEITO  E CORTIZAS.

    GUSTOUNOS MOITO REMEXER NO OBRADOIRO DE COCIÑA PARA FACER AS “TOSTADIÑAS DE PIÑÓNS” E AS BROCHETAS DE FROITAS DE OUTONO.

    PARA REMATAR CELEBRAMOS O MAGOSTO, NO QUE ADEMAIS DE COMER MOITAS, MOITAS CASTAÑAS ASADAS  COAS PIÑAS; TODOS XUNTOS, XOGAMOS, BAILAMOS, CANTAMOS E COA BARRIGA CHEA… ¡TOCOU PINTARNOS E DEIXARNOS PINTAR!
      

                             

"NADAL SOLIDARIO, NADAL AMIGO 2011"

                        

           

                    …REMATADO ESTE LONGO    
              TRIMESTRE,   

                                 QUEREMOS 

               COMPARTIR CON TODOS VOS

                                    A NOSA

              AGARIMOSA FELICITACIÓN DE 
             NADAL 2011.

                      VÉMONOS Ó 9 DE XANEIRO,

                                  BOAS FESTAS!!!